Денес (09 Јуни 2023 година), во организација на Центарот за економски политички, анализи и консалтинг ЦЕПАК-Скопје, а со поддршка од НАТО од Брисел, се одржа завршната активност во форма семинар со панел дискусија како дел од проектот под наслов „Учи и управувај, денес и во иднина“.
Проектот се спроведуваше во период од 01 Мај 2023 година до 09 Јуни 2023 година, а беа вклучени студенти, активисти од студентските асоцијации од повеќе државни и приватни универзитети, како и претставници на институциите. Учесниците на овој проект имаа можност да се запознаат со тековната агенда, трансатлантска безбедносна соработка и нови безбедносни предизвици, договорот од Вашингтон, важноста на новиот стратешки концепт, колективна одбрана и промоција на вредностите на Алијансата. Во исто време младите како учесници на овој проект а идни лидери на нашата нација имаа можност да ги споделат и сопствените визии и очекувања како за нашата држава како членка на НАТО така и за нивните идни очекувања од самата алијанса.