Денес (25 Мај 2022 година), во  организација на Центарот за економски политички, анализи и консалтинг, а со поддршка од НАТО , се одржа завршната активност во форма на панел дискусија како дел од проектот под наслов ““Youth change-makers’ vision about NATO”.

Во проектот беа вклучени млади учесници  и истиот се спроведуваше во период од 10-25 мај 2022 година. Учесниците на овој проект  имаа можност да се запознаат со тековната агенда, приоритети и идните планови на НАТО алијансата и посебно беа презентирани дел од тезите на предстојниот самит на НАТО  и новиот стратешки концепт кој треба да биде усвоен на овој самит.

Во исто време младите како учесници на овој проект а идни лидери на нашата нација имаа можност да ги споделат и сопствените визии и очекувања како за нашата држава како членка на НАТО така и за нивните идни очекувања од самата алијанса.